Para Sa'king Sinta

Alamin mong kita’y minahal;

At sa aking puso ay nukal

Ang pag-ibig na wagas

At tila kailanma’y hindi magwawakas.

Yaong tipong tatawirin maging mga dagat,

Sasalubungin kahit mga laksang sibat,

Kung kinakailangan

Upang ang katagang “Mahal din kita,” sa iyo’y makamtan.

Gagawin ang lahat na ikabubuti mo't ikaliligaya

Sapagkat yaon ang adhika.

Anumang hirap kung ang katumbas ay iyong ngiti,

Magiging sarap kahit ang hapdi.

Kaya’t kung sa kaniya ka masaya

Nakahanda na kong magparaya.